Samjhey ?

Koi mujhe kya samjhega
Main khudko samajh na paya !
Dusron ko hi samajhne main
Maine saara waqt gavaya !

Dusron ko to samajh na paaya
Par itna samajh main aaya :
kya main kissi ko samjhoonga
agar khud ko samajh na paaya !

Tab maine ye tthhaan liya,
Ki khud ko main samjhoonga;
Tab sab mujhko samjhenge
Aur main sabko samjhoona !

Ab main khud ko samajh gaya hoon,
Par tum mujhko samjhe kya ?
Tum mujhko samjhoge kaise ?
Tum khud ko samjhe ho kya ?